AMPATI: South West Garo Hills a·jani police-rangna, District Police-ni gita Apollo Diagnostics baksa nangrime, free health camp-ko Ampati-ni Police Reserve-o ong·atangaha.
Police-rang an·seng baljoke dongchina aro an·tangtangni be·en bimangrangko an·seng baljoke rakkiani bidingo ma·sie ra·china gita ia health camp-ko ong·atangaha aro ia health camp-ko ong·atanio sak 160-mangni gita South West Garo Hills a·jani police-rang, an·tangtangni be·en bimangrangko porikka ra·e nina aro sanna bananirangko ra·na cholko man·aha.
Ia health camp-ko Western Range-ni DIG CVS Reddy a·bachengate on·aha aro ia health camp-ko ong·atanio South West Garo Hills DEF-ni police officer-rang aro Tura Apollo Diagnostics-ni medical dolba dongpae bakko ra·angtokaha.
