TURA: BSF dolni Officers’ Institute HQ Tura Sector BSF-ko Sombar salo, BSF Meghalaya Frontier HQ-ni Inspector General Inderjit Singh Rana, nokdonggae on·angaha aro ia institute-ko nokdonggae on·anganio BSF Tura Sector HQ-ni DIG Dr Harmeet Singh aro gipin BSF official-rangba dongpae bak ra·angaha.
Ia Officers Institute-ko kulianichi nangchongmota kamrangna Tura-ona re·baenggipa BSF official-rangko donchakna biap man·gnok aro ia institute-ko Tura jillani nitobegipa biapo rikahani gimin ian officer-rangna dongtoaniko on·na man·gnok ine BSF official-rang parakataha.
Ia Officers Institute-ko nokdonggae on·angani somoio BSF Meghalaya Frontier HQ-ni Inspector General Inderjit Singh Rana, BSF-ni dingtang dingtang kamrangkoba niangjolaha.
