SHILLONG: Krismasko maniengon, dingtang dingtang jakni kamrangko changgipa sapgiparangna aro dingtang dingtang changa sapanirang donggipa manderangna cholrangko on·na gita mijal Sombar sal dipet a·bachenge salgittamna Winter Tales Festival-ko Shillong songjinmani Ward’s Lake-o ong·atenga.
Ia Winter Tales Festival-ko a·dokni Chief Minister Conrad K Sangma, do·ga oe on·angaha aro ia festival ba manianiko a·bachengatanio dingtang dingtang official-rangba dongpae bak ra·angaha.
Ia festival-ko do·ga oe on·angani somoio a·dokni Chief Minister, jinmana kan·dike aganprakangengon, ia festival ba manianiara joltango ma·manti changa sapani donggipa manderangko aro uamangni bosturangko ra·dona miksonge ong·atenggipa festival ong·a aro ia festival-o a·dokni dingtang dingtang biaprangoni manderang re·bae bakko ra·na chol man·enga ine parakataha.
Ia salgittamna ong·atenggipa Winter Tales Festival-o a·dokni dingtang dingtang biaprangoni manderang, dingtang dingtang jakni kamrang, cha·ani ringanirang, doka dam·anirang, ring·anirang aro uandakgipa dakmesokanirangchi bakko ra·angtokenga.
