NEW DELHI: Congress president Mallikarjun Kharge Sombaro gitcham nirikigiparang aro sak 6 nirikigiparangko Megha-laya, Nagaland aro Tripura-o re·baenggipa Assembly election-na seokaha.
AICC general secretary KC Venugopal, Northeastern-ni dam 3 a·dokni party-ni dilgiparangko gronganio indine agana, Congress general secretary aro Rajya Sabha member Mukul Wasnik dam 3 a·dokrangni senior observer ba a·gipi nirikigipa ong·gen.
Congress MP Benny Behanan aro parliamentarian gitcahm JD Seelam Meghalaya observer ong·gen, Francisco Sardinha aro K Jayakumar, sakgni Parliament-ni memborrang ong·a uamang Nagaland-ko nitimgen. Senior Congress leader Arvinder Singh Lovely aro MP Abdul Khaleque Tripura-ko nitimgen.
Congress, ua dam 3 Northeatern-ni a·dok-rangko ru·uta somoirangna sason ka·ahachim, uamang da·o Assembly election ong·nasigipa a·dokrango bilakgipa opposition-ni list-oba biming dongjaha.
Ua gitchamgipa party-ni MLA-rang saksaba Meghalaya aro Nagaland-o dongja. Ua party jean 2018 Assembly poll-o party ge·sa ong·e bang·bate vote-ko man·ahachim, ua re·anggipa November jao uamangni dilgiparangni ong·katani aro gipin party-rangchi katani gimin sak 5-san dongaiaha. Ua tange dongkuenggipa sak 5 MLA-rang da·omitingo NPP-ni dilgipa MDA sorkarina chakenga, jeon BJP party-ba bak dong-chapaha, uamangko ja·mano party-oni dontongataha, da·omitingo Congress-oni darangba Assembly-o mikkang-chakgipa dongjaha.
Tripura-o party-ni obosta on·tisa namdapa, jemang baksan saksa MLA-de dongrikkuaha. Sudip Roy Barman, jean BJP-ni minister gitcham ong·achim, uamangmang da·o Tripura-o Congress-ni legislature ong·enga.
