AMPATI: South West Garo Hills a·jao komibeoba dingtang dingtang political dolrangna kamko ka·enggipa sak 545 gital membor-rang, Sukrobar salo Bharatiya Janata Party (BJP)-o napangaha.
Ia gital membor-rangko rimchaksona gita tom·aniko ong·atanio Union Minister of State (MoS) John Barla baksana Assam Assembly-ni Deputy Speaker Dr Numal Momin aro BJP-ni gipin dilgiparangba bakko ra·angtokaha.
Ia tom·bimonganiko South West Garo Hills a·jani Samati songo ong·atangaha aro ia tom·bimonganio gitcham MLA Ferlin CA Sangma, sakgipin gitcham MLA Benedic Marak, Assam BJP-ni spokesperson Rupak Goswami, BJP Ampati-ni election in-charge Kishore Nath aro gipin membor-rangba bakko ra·angaha.
Ia salo BJP-o napanggipa membor-rangoni mitamde Indian National Congress, National People’s Party, All India Trinamool Congress aro gipin dolrangoni ong·achim.
Ia tom·bimonganio mongsonggipa sokgipa ong·e jinmana aganprakangengon, “Ia sal somoirango Garo Hills-ni bang·a manderangan BJP-ona re·bae chakpaanirangko on·engani gimin chinga namen kusi ong·a. Ia gital membor-rangni re·baanichi BJP-na bang·a vote-rang sokbagen ine chinga ka·dongchongmota. BJP dol pangnan namroro silroroaninasa kamko ka·a aro iako manderang da·o ma·sitokengahani giminsa pilak biaprangon chinga manderangni bakrimanirangko man·engaha,” ine Assam Assembly-ni Deputy Speaker Dr Numal Momin parakataha.
