AMPATI: Budbar salo, Meghalaya Legislative Assembly election-ni tarikrangko parakatahani gimin, Section 144 IPC-o on·gimin bilchi, South West Garo Hills-ni Deputy Commissioner, ka·mao on·gimin ge·etanirangko, District-o songdonggipa manderangna, rakbee ja·rikchina u·iataha.
1) Government Office-rang ba nokni pakmarango seani, salani, noksarangko tapani, flag-rangko songdoani, banner-rangko songdoani, lekka aro uandagiparangoniko rate tapani, aro uandakgipa kamrangko dakna man·jawa.
2) Mande nokrango ba uamangni nok ba bera pakmarango, nokni nokgipani rai gri ba sing·cheng sanchengija, lekka, poster, flag, banner aro uandakgiparangko tapna gita man·jawa. Nok nokgipani raiko dagrang domkiachi ra·na gita man·jawa aro nok nokgipa lekka, banner, poster aro uandakgiparangko tapna on·genchimode, poster, banner aro uandakgiparangko tapani sal 3-ni gisepon, uni see jote on·ani sakkiko Returning Officer-na on·ena nanggen.
3) Private garirango noksa, poster, flag aro uandakgiparangko tapode ba ra·bitode, ramao re·gipa ba gari salgipaskarangna mamung neng·nikatani grisa dakna gita man·gen.
4) Commercial ba para salgipa garirango, poster ba flag ba banner uandakgiparangko tapna gita man·jawa. District Election Officer ba Returning Officer-ni rai ba permission-ko man·e election campaign-na uarangko jakala ong·ode, permission-ni original copy-ko windscreen-o tape, uarango dakna gita man·gen.
5) Silai, guli, boma aro uandake bretate wa·al kamatna amgipa bosturangko election matchotja dipet ra·bitna gita man·jawa. Ia ge·etani duty-o donggipa Police, BSF, CRPF, Homeguard, aro uandakgipa sipairangnade nangchakeani dongjawa.
