Kolkata: (PTI) West Bengalni Chief Minister TMC-ni supremeo Mamata Banerjee party-ni pilak ja·kolrangko northeast-o giproroatna ba bilakbatatna gita road show-ko Tripuaro February 7 tariko ong·atanggen ine party-ni dilgipa Sonibar salo aganaha.
TMC-ni general secretary Abhishek Banerjee Meghalaya Assembly polls-na skang party-ni pilak miksonganirangko agananggen ineba ua agandapaha.
“Mamata Banerjee February 6-7 tarikrango Tripuraona re·anggen. Skanggipa uni re·angani salo ua Tripureshwari-o puja-na on·aniko dakanggen uni ja·mano February 7 tariko Agartala songjinmao road show-ko ong·atangskagen ine TMC-ni dilgipa aganaha.
Ian uni jagittamni gisepo gittamgipa northeastern a·dokona re·angani ong·enga, ua Meghalaya a·dokni North Garo Hills District-o January 18 aro batanggipa jao capital Shillong-oba public-rang baksa tom·aniko ong·ate uano pilak party-ni miksonganirangko aganaha.
Trinamool Congress re·baenggipa Tripura election-o susaanirangko dakanggen ine party-ni dilgipa saksa koborna parakataha.
Indiba ge 60 constituency-rangon candidate-rangko on·genma on·jawa ma jeon party-na chakgiparnag bangbate donga uarangosan on·genma uarangko party chanchianiko dakanggen ineba ua talataniko on·angaha.
February 16 tariko Tripura Assembly election puonaniko ong·atanggen
TMC Meghalaya, Tripura aro Assamni pilak a·dokrangon party-ni pilak ja·kolrangko aro party-ko bilakbatatna gita rakbeen kamko ka·engachim.
“Abhishek Banerjee Meghalaya a·dokona January 24 tarikoba re·bataigen indake uano TMC-party-ni pilak miksonganirangko parakatgen” ine saksa party-ni dilgipa aganaha.
February 27 tariko ge 60 Meghalaya assembly election-na puonani dakanggen
Batanggipa 2021 bilsni November jao sak 17 Congress chegiparangoni sak 12de TMC party-o napskaae bilakgipa opposition party-ko ong·atahachim.
