SHILLONG: Election Commission-ni ge·etani gita East Shillong candidate Ampareen Lyngdoh, Mawlai Candidate Teiborlang Pathaw aro North Tura MLA Thomas Sangma-ko man·chape uamangni candidate-rangni Format C 7 candidate-rangni skangonin namgija dakanirangko mijal Sonibar salo NPP parakataha.
Supreme Court-ni hukkumko man·e Commission-ni ge·etani gita skango namgija dakanirang donganiko parakataha.
Election Commission-ni ge·etani gita, pilak political party-rang aro candidate-rang komibeoba chang gittam songbad-rango, TV-rango aro uamangni website-rango uamangni candidate-rangni skango namgija dakani kamrangko parakatna nanggen maina election-na skang pilak candidate-rangni janggi tangani obostarangko manderang ma·sina nangchongmota.
Party-ni format-o Ampareen Lyngdoh, IPC Act-ni Section 13 (2) baksana IPC-ni 120-B, 420,467,468, 471,201 section-rangko pe·anina matnangako man·aha. Format-o uni kosako dosirangko mesoka dongja.
Party-ni aganani gita candidate-ko seokani a·selde ua somairangko aro jotton ka·anirangna on·kangaha aro mande-rangni janggi tanganiko dal·e ra·a aro songsalni namgnina somairangko jakkalna an·tangko on·kanga aro election-na ua kragipa candidate ong·a ine party aganaha.
Maina gipinrang skango namgija dakani dakanirang donggijagipa-rangko candidate-na seokja ine sing·anina, candidate-rangni namgija dakanina matnanganirang kacharini niamo sakki dongjaenga ine party aganaha. Judicial kacharini mikkango da·o ong·eng-gipa candidate-rangni dosi griko sandina bichal ka·-enga aro kacharini kragipa bichal ka·e man·jana kingking ian mongsonggipa ong·a ong·jaode candidate-rang dosi gri ine chana man·jawa.
U·IATTIMGIPAONI