TURA: National People’s Party (NPP)-ni chadambe dol, chong·motan National People’s Youth Front (NPYF)-o adita salrangna skang, dingtang dingtang gittimni adita sak chadamberang napangaha.
Ia chadamberangko rimchaksona gita Tura-ni NPP office-o tom·aniko ong·atangaha aro ia gital membor-rangko NPYF-ni state general secretary Tesan B Sangma, NPYF-ni district president Silban Marak, NPYF-ni district general secretary Rangbat T Sangma aro gipin dilgiparang dolona rimchaksotokaha.
“NPYF-o gital membor-rangko nikna chinga namen katchabea maina maina chadamberangan mikkangchi dilnagiparang ong·a aro uamangni iandake gisik nanganiara chinga pilakkon didiani gitaba ong·a. Chinga chingni memborskarangko kam ka·giparang ba gipinrang gita chanja indiba nokdangni memborska gitasa ra·a. An·ching mikkangchi an·chingni kamrangna rasong chagiparang ong·na man·na gita anga chadambe sakantikon a·dokna aro a·songna kamko ka·china didina ska. An·ching bakrime kamko ka·genchimosa dal·dalgipa kamrangkoba chu·sokatna ama,” ine NPYF-ni state general secretary Tesan Sangma, ia gital membor-rangko rimchaksoani somoio aganaha.
Get real time updates directly on your device, subscribe now.
Comments are closed.