Thursday, July 17, 2025
spot_img

M’laya-o Modi-ni engine ge·gni donggipa sorkariko nangenga: Bernard

Date:

Share post:

spot_imgspot_img

SHILLONG: Meghalaya a·dokni manderangoniko ra·seke ra·enga aro ma·mong sorkarini ra·gate on·gipa scheme-rangko an·tangtangsa a·kanggope ra·na jotton ka·enga ine Meghalaya BJP-ni state vice president Bernard N Marak, NPP-chi dilenggipa a·dok sorkariko matnangatenba, Meghalaya a·doko namroro silroroaniko aro dingtanganiko ra·bana gitade Prime Minister Narendra Modi-ni engine ge·gni donggipa sorkarikosa nangenga ine parakataha.

“Bilsi bongaprakon MLA-rang, an·tangtangni annual budget-rango bang·a korosrangko mesoke namroro silroroani kamrangko ra·baani gimin aganronga indiba a·doko nikna man·enggipa kamrangde pilakan Narendra Modi-ni dilanio ma·mong sorkarini ra·gate on·gipa scheme aro project-rangsan ong·aia,” ine Marak parakataha.

Meghalaya a·doko Modi-ni engine ge·gni donggipa sorkarikosa nangenga maina iasa a·dokko pilakni gitan dingtangatna man·gen ineba Tura-ni BJP MDC parakataha.

A·doko kangal cholgrirangni janggi tanganiko dingtangatna gitasa rama jal·lang, lekka pora, an·seng baljokani, chi on·an aro uandakgipa dingtang dingtang project-rangko ma·mong sorkari ra·gate on·ahachim ine janapatengon, ia kamrangna a·doko darangba ma·mong sorkarikode mitteltokjaenga ine Marak, suk ong·gijaniko parakataha.

“A·doko songe on·enggipa bang·bata pangchakanirangon, tangka paisarangko chame on·enggipa Ministry-kode janapjaenga. A·doko kadegipa bang·a banner-rangan ma·mong sorkarini ra·gatgipa project-rangkon mesokengachim indiba ia banner-rango Prime Minister Narendra Modi-ni noksako nikna man·jaenga,” ine Meghalaya BJP-ni state vice president parakataha.

Mitam noksarangode ma·mong sorkarini scheme aro project-rangnan, a·dokni dilgiparang an·tangtangni noksarangkosa tapskaenga ineba Marak parakataha.

spot_imgspot_img

Related articles

Ex-Kolkata Police Commissioner apologises to Calcutta HC for revealing RG Kar victim’s name

Kolkata, July 17: Former Kolkata Police Commissioner Vineet Kumar Goyal, who is currently the Additional Director General of...

Telangana HC quashes SC/ST case against CM Revanth Reddy

Hyderabad, July 17: In a relief to Telangana Chief Minister A. Revanth Reddy, the Telangana High Court, on...

PM Modi to visit Bihar and Bengal, launch developmental projects worth over Rs 12,000 crore 

New Delhi, July 17: Prime Minister Narendra Modi is set to visit Bihar and West Bengal on Friday,...

Syrian leader slams Israeli attack, vows national unity

Damascus, July 17: Syrian interim leader Ahmad al-Sharaa on Thursday strongly condemned Israeli airstrikes on Damascus, reaffirming the...