Thursday, February 6, 2025
spot_img

h-o BJP, TMC-ni gimin NPP-na kenchakani dongja: Marcuise

Date:

Share post:

spot_img
spot_img

Williamnagar: Re·baenggipa election-rango BJP aro TMC dolrang Garo Hills-o seat-rangko chena gita krenggen indiba a·dok politics-o NPP-na maming kenchakna nangani dongja ine Williamnagar-o changgnina MLA ong·gipa, Marcuise Marak adita salrangna skang aganaha.
NPP MLA Marcuise Marak re·baenggipa assembly election-o Williamnagar assembly seat-na, gitcham minister aro Congress candidate, Deborah C Marak, AITC-ni Alphonsiush Marak baksana JD-U candidate aro gipin independent candidate baksa dakgrikchakna nangenga. Indake ong·engon, un baksa rakbate dakgriknagipade uan Congress-ni Deborah Maraksan ong·aigen ine ua aganaha.
“Angni bilakbate dakgrikna nanggipade Congress ong·gen indakoba Williamnagar-ni angna chakgipa manderangni gimin anga uko bang·a vote-rangchin chena ka·dongenga,” Marcuise aganaha.
Uni constituency-o uandake Garo Hills gimikon BJP aro TMC jotton ka·beoba chena gita man·jawa ineba ua onchepe aganaha.
“Uamang chingna ka·mikkenatani ong·ja. Re·anggipa somoio TMC dilgipa Mukul Sangma-ni Williamnagar-ona re·bae campaign ka·emiting obostako na·songan nika, neng·e-dike bang·gija manderangan campaign-o bakko ra·aia. Iarangchi re·baenggipa election-o TMC aro uni dilgiparangni bilsokgijaniko mesoksoenga. Garo Hills-o chingan bang·bate seat-rangko man·gen,” Marcuise chanchiatangko parakaha.
NPP dilgipa indakeba agandapaha je uni MLA ong·mitingo NPP sorkari bang·a namdapatani kamrangko ka·aha, constituency-na badita namdapatani kamrangko ka·ahachim ia pilakkon manderang nika aro u·ia.
“Williamnagar-na anga mai kamrangko ka·aha, uarangni report card ango gnang, jerangkon anga constituency-ni manderangna on·gen,” ua agandapaha.

Williamnagar-o Trinamool Congress (TMC)-ni sak ritchani ritcha membor-rang wate kattokenba National People’s Party (NPP)-o naptokengani gimin TMC aro Dr Mukul Sangma-ko ra·chaktokjawa ine re·anggipa Sonibar salo, NPP-ni ku·wattimgipa aro Williamnagar-ni MLA Marcuise N Marak aganahachim.
“TMC-ni office-ko nokdonggae on·na gita Dr Mukul, helicopter-o Williamnagar-ona re·baahachim indiba ua somoio manderang bak ra·na gita re·angtokjaha. Da·al salni bakoba TMC-ni bang·bea chadamberang, NPP-o naptokaha,” ine Marak parakatahachim.
TMC-ni dal·batgipa dilgiparangoni saksa ong·e uni re·baani somoio manderang donggijaniara TMC-na namen kratcha·na nangani ong·aha ineba NPP MLA parakahachim.
“TMC-ni tom·anirango manderang bakko ra·na gisik nangrongja aro ian Williamnagar-o TMC-ko aro Dr Mukul-ko manderangni ra·chakna sikgijaniko mesokani ong·a,” ine Marak aganaha.
Ritchani ritcha chadamberang TMC-ko wate NPP-o katnaptokaha ine janapatengon, ia chadamberang Dr Mukul Sangma-ni dilanio ka·dongchakna man·jae chingona katnapaha ine aganaha ine Marak parakahachim.
Mikkangchiba Williamnagar-o TMC-ni bang·a dilgiparang aro kam ka·enggipa manderang NPP-o napna miksonganirang dongenga ineba Marak parakahachim.

spot_img
spot_img

Related articles

Royal Bhutan Army COO concludes visit to India with focus on cooperation

New Delhi, Feb 6:  Reinforcing bilateral military cooperation, the high-level visit to India by a Bhutanese delegation led...

Chief Minister Conrad K. Sangma Launches PIMC Health Shuttles for Meghalaya

Shillong, February 6: Meghalaya Chief Minister Conrad K. Sangma today launched the Health Shuttle initiative by P.A. Sangma...

1st ODI: Hammered for 26 in an over, Harshit Rana bags 2-43 in first spell on debut

Nagpur, Feb 6:  It was baptism by fire for India's pace-bowling all-rounder Harshit Rana as he was hammered...

Sensex, Nifty end lower as investors await RBI MPC decision

Mumbai, Feb 6: The Indian stock market on Thursday closed lower as investors remained cautious ahead of the...