TURA: Re·baenggipa February-ni 27 tariko ong·atenggipa Meghalaya Legislative Assembly election-na Sombar salo, South West Garo Hills a·jao gimik sakchet aro East Garo Hills a·jaoba sak 11 candidate-rang, an·tangtangni nomination-rangko file ka·angaha.
Sombar salo, South West Garo Hills a·jao nomination file ka·anggipa sakchet candidate-rangara, Salmanpara constituency-na NPP-ni Ian Botham K Sangma, Mahendraganj constituency-na NPP-ni Sanjay A Sangma, Mahendraganj constituency-na BJP-ni Tingku N Marak, Ampati constituency-na BJP-ni Premananda Koch, Salmanpara constituency-na BJP-ni Boston Marak, Mahendraganj constituency-na Dikkanchi D Shira, Salmanpara constituency-na Winnerson D Sangma aro Salmanpara constituency-na UDP-ni Ronald Rikman Sangma ong·a.
East Garo Hills a·jaoba ia apsan salon gimik sak 11 candidate-rang, nomination-ko file ka·angaha aro uamangara, Williamnagar constituency-na Indian National Congress (INC)-ni Deborah C Marak, Williamnagar constituency-na Trinamool Congress (TMC)-ni Alphonsus R Marak, Williamnagar constituency-na Bharatiya Janata Party (BJP)-ni Raknang Ch Marak, Williamnagar-na Janata Dal United (JDU)-ni Robinus T Sangma, Williamnagar constituency-na Independent candidate Rudreswar Ch Momin, Songsak constituency-na Dr Mukul Sangma, Songsak-na BJP-ni Thomas N Marak, Songsak-na INC-ni Champion R Sangma, Rongjeng constituency-na TMC-ni Sengnam M Sangma, Rongjeng-na BJP-ni Papiush Ch Sangma aro Rongjeng constituency-na INC-ni Jebing G Momin ong·a.
TMC-ni dilgipa Dr Mukul Sangma-de ia changoba Songsak aro Tikrikilla constituency-rango susaengani gimin Tikrikilla constituency-na ua Mongolbar salo, nomination-ko file ka·skanasienga ine kobor on·aha.
Da·al February-ni 7 tarikan nomination-rangko file ka·ani bon·kamgipa salba ong·engahachim.
