TURA: Ia chang Meghalaya Assembly election-oba Trinamool Congress (TMC)-ni dilgipa aro a·dokni gitcham chief minister Mukul Sangma, Songsak aro Tikrikilla constituency-rango susataiengoba ia changode ua Songsak constituency-o maming nangchakeaniko ra·bana man·jawaha ine Sombar salo, Songsak constituency-o Indian National Congress (INC)-ni candidate ong·e susaenggipa aro Garo National Liberation Army (GNLA) bobil dolni gitcham chairman Champion R Sangma janapatenba, ia changode Songsak constituency-o INC aro National People’s Party (NPP)-ni giseposan susagrikani ong·bataigen ine parakataha.
Sombar salo Champion, an·tangni nomination-ko file ka·angani somoio ia kattarangko kobor ra·timgipa manderangna aganaha.
Songsak constituency-o gitcham MLA Nihim D Shira, NPP-ni candidate ong·e susaengachim ine nikna man·a.
“Ia changode Songsak constituency-o angming NPP-ni candidate Nihim D Shira-ni giseposa susagrikani ong·bataigen. Mukul Sangma-nade maming kenna nangani dongjaha,” ine Champion parakataha.
Songsak constituency-o maming namroro silroroani dongjaengani gimin ua TMC-ni dilgipa Mukul Sangma aro NPP-ni candidate Nihim Shira-koba matnangataha.
“Batanggimin bilsi 15-ni gisepo Songsak-o mamingni gitan namroro silroroaniko nikna man·jahani gimin dingtanganiko ra·bana gita manderang angkon seoktelgen,” ine Champion aganaha.
Songsak-o INC aro NPP-ni giseposan susagrikani ong·aigen: Champion
Date:
Share post:
