SHILLONG: Re·baenggipa February-ni 27 tariko ong·atenggipa Meghalaya Assembly election-na United Democratic Party (UDP)-ni election manifesto-ko Sukrobar salo UDP-ni vice president Allantry F Dkhar aro gipin dilgiparangni jakchi oprake on·angaha.
Ia manifesto ba election-na ku·rachakanirangko segatgimin ki·tapko oprake on·anganio Nongkrem-ni UDP candidate Lambor Malngiang aro UDP women’s wing-ni state president Preety Kharpyngrope-ba dongpaaha.
Ia manifesto-ko oprake on·angani ja·man kobor ra·timgipa manderang baksa agangrikengon, ia election-o UDP-ni mongsonggipa miksonganiranga, a·doko kam ka·giparangko namdapatanichi sanna bananirangko namdapatanian ong·enga ine UDP-ni vice president parakataha.
A·doko gama ge·ani kamrangko namdapatani, chadamberangna bilrangko on·dapani aro tourism-ni kamrangko tang·doataniba UDP-ni mongsonggipa daitorang ong·enga ineba Dkhar aganaha.
Chadamberangni gisepo bading chiwalani kamrango gisik nangbatatna, Shillong songjinmani apchangket ong·dugaaniko komiatna gita New Shillong Township-ko namdapatna aro gipinrangba UDP-ni mongsonggipa daitorang ong·enga ineba UDP-ni vice president parakataha.
