NONGPOH: Meghalaya Assembly election-ni ja·man gital sorkariko Bharatiya Janata Party (BJP) rikgen ine Assam a·dokni chief minister aro North East Democratic Alliance (NEDA)-ni convenor Himanta Biswa Sarma, an·tangni ka·dongchakenganiko parakataha.
Robibar attamo, Nongpoh constituency-ni BJP candidate Marian Maring-na campaign ka·e Shillong songjinmaona re·angna skang, BJP-ni dilgipa aro Assam-ni chief minister, ia kattarangko aganaha.
Meghalaya Legislative Assembly election-ko re·baenggipa February 27 tariko ong·atengani gimin BJP-ni candidate-rangna campaign-ko ka·na gita Sarma, Meghalaya a·dokni dingtang dingtang biaprangko wenangengachim.
“Meghalaya a·doko skanggipa changna BJP, dam 60 seat-rango susaenga. Salgni skangsan anga Tura-onaba re·angaha aro ia changode BJP-na bang·en manderangni chakenganiko anga nikaha. Ri Bhoi a·jaoba chingni candidate-na cholrang namenga aro anga bebera·a ia changode chinga Meghalaya a·doko sorkariko rikna man·gnok,” ine Sarma aganaha.
Assam a·dokni chief minister aro North East Democratic Alliance (NEDA)-ni convenor Himanta Biswa Sarma, kobor ra·timgiparang baksa agangrikenga.
