SHILLONG: Re·anggipa Mongolbar salo, a·dokni gitcham home minister aro ia Assembly election-o United Democratic Party (UDP)-oni susaenggipa H Donkupar Roy Lyngdoh, rang·gitik ka·tongni saaniko man·e siangahani gimin Sohiong Legislative Assembly Constituency (LAC)-ni election-ko ra·doataha.
A·dokni gitcham home minister HDR Lyngdoh, rang·gitik ka·tong saaniko man·ani ja·man Bethany Hospital-o siangahachim.
“Sohiong-o election-ko dontongatchina recommend ka·e seatgipa chittiko RO-ni report baksa DEO-oniko man·soaha. Ia election-ko dontongatchina CEO, ECI-na recommend ka·atskaaha. Election-ko da·o bangki dam 59 Assembly constituency-rango ong·atchenggen aro Sohiong Assembly Constituency-na ja·mano ECI, tarikko tik ka·e u·iatgen,” ine a·dokni Chief Electoral Officer (CEO) FR Kharkongor parakataha.
