BAGHMARA: Re·anggipa Mongolbar salo, South Garo Hills a·jani District Election Office, NRLM baksa nangrime, South Garo Hills a·jani Dubagre songo SVEEP program-ko ong·atangaha aro ia program-ko ong·atanio Jakusan Village Organisation (VO)-ni membor-rang, re·baenggipa February-ni 27 tariko, Meghalaya Legislative Assembly election-ko ong·atanio, pilakan re·bae dilgipako seokanio bak ra·na gita ku·mikchetaniko dakdilangaha.
Ia program-ko ong·atanio South Garo Hills a·jani General Observer Manoj Kumar, jinmana aganprakangengon, ku·cholsan ong·e kamko ka·china aro ia election-o songni mandeskarangkoba re·bae bakko ra·na gita didiskachina self help group (SHG)-ni membor-rangko ku·pattiangaha.
An·tangtangna on·gimin bilko jakkalchina SHG membor-rangko didiangengon, songni manderangoni saoba pu·onna gita re·bajaenga ong·ode uandakgipa manderangkoba polling station-rangona rimbae pu·onna gita didichina Kumar aganaha.
Ia program-ko ong·atanio, voter-rangni ku·mikchetaniko ba·raniko tarigipa nisano seenba SHG membor-rang pilakan ku·mikchete soi ka·angtokaha.
Iako South Garo Hills a·jani pilak self help group (SHG) network-rangon dakanggen aro February 26 tarikode, soi ka·gimin nisanrangko Baghmara-ni Simsang dolongo kadetokgen ine u·iataha. Ian South Garo Hills a·jao donggipa SHG me·chikrangni ku·cholsan ong·aniko mesokna ja·ku de·ani ong·enga ineba u·iataha.
Dubagre songni manderang dilgipako seokanio bak ra·na ku·mikcheta
Date:
Share post:
