SHILLONG: A·songni Prime Minister Narendra Modi-ni dilanichi Bharatiya Janata Party (BJP) dolmangmangsan Meghalaya a·doko songdongenggipa manderangni nangnikengani gita rongtalgipa aro namroro silroroaniko ra·bana man·gipa sorkariko on·na man·gen ine Budbar salo, Shillong songjinmani damgni biaprang, chong·motan Gorkha Pathshala aro Golflink-o BJP-ni tom·bimonganiko ong·atanio BJP-ni dingtang dingtang dilgiparang parakataha.
Ia tom·bimonganirangko ong·atanio jinmana aganprakanggipa BJP-ni dilgiparangara, Minority Affairs-ni Union Minister of State John Barla, BJP-ni national spokesperson Sambit Patra aro BJP-ni dingtang dingtang candidate-rang, chong·motan Mariahom Kharkrang, Sanbor Shullai, Ernest Mawrie aro AL Hek ong·achim.
Ia tom·anirango BJP-ni dilgiparang, hajal kotok manderangna aganprakangengon, NPP sorkarini chu·sokgijanirangna aro TMC baksana INC-ni bangbanggipa ku·rachakanirangna matnange aganangaha.
Ia tom·anio BJP-ni dilgipa Sambit Patra, jinmana aganprakengon, a·song gimiko BJP dolmangmangsan ku·mikchetatangko chu·sokatgipa dol ong·a ine janapatenba, salgro salaram jolrango namroro silroroaniko ra·bana gita a·songni Prime Minister Narendra Modi, chang 60-mangna re·baaha ine parakataha.
Ia tom·bimonganio Union Minister of State John Barla-ba jinmana aganprakangengon, PM Modi-ni dilanichi BJP sorkarini chu·sokatenggipa dingtang dingtang kamrangni gimin aganangaha.
