SHILLONG: Meghalaya-ni East Khasi Hills district-ni a·songgipin sima-ari sepango Border Security Force sima-ario chel·chakgipa dolrang dingtang dingtang damgni biaprango amsandiao India aro Bangladesh-ni tangkarangko rim·aha.
Sima-ario silchek ka·penggipa a·song damgnini paksamtangtangchin chanchigipa manderangni re·a-doani nike Nayabazar a·jolona 04 Bn-ni BSF sipairangko watataha. Tangka ra·anggipa manderang BSF-rangko warachake wal an·dalao buring diltuachina katangaha. A·jolko sandion BSF dolrang gong lak 18 Bangladesh a·songni Taka ba tangka bekko man·aha.
Apsan a·sel obosta East Khasi Hills Ryngku a·jolo 110 Bn BSF-ni sipairang sima-ario denggu dakgipa manderangko rim·aha aro gong lak 3.12 India-ni tangkarangko man·aha aro uarangko ra·sekaha.
