SHILLONG: BJJ, Meghalaya-o batanggimin election-rango uamangni chanchisoa gita chu·sokaniko man·jaha indiba ia changde dal·bee aro neng·takgija campaign ka·angaha, Prime Minister Narendra Modi-ba Meghalaya-ona re·bae campaign ka·angaha. Party, ia changde dal·en chena ka·dongenga.
Kobor ra·timgiparang baksa agangrikao BJP-ni National General Secretary Rituraj Sinha, indine aganaha, “Meghalaya-o sakgni BJP MLA-san ong·ani gimin party-ni vote share 9-10 percent-san donga aro Meghalaya-ni demographic, BJP-na kragipa ong·ja ine manderang agantokahachim. Indiba ia changde election-ni mamlaan dingtangjok aro manderang dingtanganina vote ka·tokgen.
Congress aro gipin political dolrangni sason ka·anio a·dok develop ka·jaha. Mitamrangde an·tangtangna namgniko ra·rikaha, manderang namgipa rama, bijoli, healthcare aro infrastructure-ko man·kujaenga.
“Gimik neng·nikanirangna cha·bokanian ja·dil ong·a. Ia changde manderang cha·bokani kosako puontokgen. PM Modi-ni development scheme-rangko a·doko name dake ra·gatjaha, je a·dokrangon BJP sorkariko rika ua a·dokrang namen tang·doaha.
Uandake PM Modi-ni Shillong aro Tura-ona re·bae rally ka·aniara election-o nangchakgenma ine sing·anina BJP-ni dilgipa indine aganaha, “PM-ni rally-o sak 30,000 baten manderang bak ra·aha. Meghalaya-oba Modi-ko namnikgiparang bang·bea.
