SHILLONG: Khasi Hills Autonomous District Council (KHADC)-ni salgnina ong·atenggipa budget session-ko Budbar salo a·bachengataha aro ia salo KHADC-ni dingtang dingtang kamrangna gong crore 46.27-ni vote of account-ko KHADC-ni chief executive membor Titosstarwell Chyne, mesoke on·angaha.
Budget session-o vote of account-ko KHADC-ni MDC-rangna mesoke on·angengon, ia gong 46,27,16,190 ong·gipa vote of account, April 1 tarikoni June 30 tarikona ong·gen ine KHADC-ni CEM parakataha.
April 1 tarikoni June 30 tarikona KHADC-ni ning·o donggipa dingtang dingtang department-rang, dingtang dingtang nanganirangna tangka paisarangko jakkalna man·gen ineba Chyne parakataha.
KHADC CEM-ni parakatani gitade, ia gong crore 46.27-oniko General Administration Department-na gong 9,29,73,230, Law Department-na gong 15,37,630, Revenue Budget & Finance Department-na gong 2,11,70,910, Forest Administration Department-na gong 2,38,94,710, Administration of Justice & Judicial Department-na gong 1,45,17,810, Legislative Department-na gong 1,86,66,370, Education Department-na gong 3,40,370, Civil Works & Development Department-na gong 27,53,18,430 aro Enforcement Scheme for protection of Tribal Land & Interest-na gong 1,42,96,730-ko chamenga.
Salgnina ong·atenggipa KHADC-ni budget session-ko da·o March-ni 6 tarikona ra·doatskaaha aro ua salo, vote of account-ko pass ka·anggen ineba Chyne parakataha.
KHADC-ni budget session-o crore 46-ni vote of account-ko CEM mesokanga
Date:
Share post:
