Shillong: Prime Minister Narendra Modi, Salgro-Salaramni damgittam a·dokrango gital CM-rangna ku·mikchetani tom·anirango bakko ra·anggen. Meghalaya aro Nagaland-ni gital Chief Minister-rang Mongolbaro ku·mikchetanggen, unomitingo Tripura-ni gital chief minister, Butbaro ku·mikchetangskagen.
Ma·mongni Home Minister Amit Shah, BJP President J.P. Nadda aro bang·a bang·ja Ma·mongni minister-rangba gital chief minister-rangni ku·mikchetanio dongpanaba donga.
Meghalaya-ni Chief Minister Conrad Sangma aro uni council of minister-rang Mongolbar pring 11 bajio ku·mikchetaniko dakanggen.
Re·anggipa February 27 tariko assembly poll ong·atanio, ge 26 seat-rangko man·enba bilakbatgipa dol ong·aha, indake BJP-ni sakgni, HSPDP-ni sakgni aro sakgni Independent legislator-rangni chakpaaniko man·e gimik sak 32 legislator-rangni bilchi gitalgipa sorkariko rikna gita a·kangaha.
