Friday, February 28, 2025
spot_img

Power dept-ni kamrangko namdapatgen ine Power Minister ku·rachaka

Date:

Share post:

spot_img
spot_img

SHILLONG: Meghalaya a·doko Power department-ni kamrangko namdapatna nangenga ine Bristibar salo, a·dokni Power Minister Abu Taher Mondal parakataha.

Bristibar salo, MeECL aro Power department-ni officer-rang baksa tom·ani ja·man, kobor ra·timgipa manderang baksa agangrikengon, “A·doko power department-ni kamrangko chinga pilakni gitan namdapatna kam ka·gen,” ine Mondal, ku·rachakaniko on·angaha.

MeECL-chi a·dokna man·dapaniko ra·bana aro a·dokni manderangna nambate dangdike on·na gita ua cholrangko sandigen ineba Mondal parakataha.

MeECL-ko chalaianio kamrangko namdapatna gita dingtang dingtang committee-rangni ku·pattie on·anirangko uamang name nigen ineba Power Minister parakataha.

“Nanggenchim ong·ode MeECL-ko nambate chalaina chinga gipin dolrangna ba sorkari dolrangna pakwate on·skagen,” ine ua aganaha.

Power Minister-ni parakatani gitade, MeECL-ko Distribution, Transmission aro Generation bakgittam dake sualaniara gipinrango pangchakna nangjana gita aro an·tangtangon ka·dongna man·na gitasa sualahachim.

“MeECL-ko nambate chalaichina chief minister-ba didinaba gnang. Ta·rakede man·janaba gnang indiba MeECL-chi man·dapanirangko ra·bana gita bang·en dakna nanggnirang dongenga,” ine Mondal aganaha.

Skangode Meghalaya a·doko nangana bate bijoliko man·achim ine gisik ra·atpilaniko on·angengon, uade skangni somoiosachim indiba da·ode a·doko bijoliko bang·en nangengaha ine Power Minister parakataha.

Dingtang dingtang power company-rangna gro nangenggipani gimin janapatskaengon, iani bidingo ua sorkari baksa agangrikmanaha ine Mondal parakataha.

MeECL-o kam ka·enggiparangni neng·nikanirangko maikai namatgen ine sing·anina aganchakaniko on·angskaengon, dormaharangkode bijoli on·anichin MeECL on·na man·na nangachim ine Mondal parakataha.

“Da·o dipet chinga noksano chalaiengani gimin ia noksan ong·aniko komiatna cholrangko sandina nangenga. Ian officer-rangko nambate nirokna gita MeECL-na dakchakani ong·gen. Uamangoni bang·batan pension-rangkoba man·jaenga,” ine Mondal aganaha.

NTPC baksa songgigrikani a·selba MeECL neng·nikanirangko chagrongna nangenga ine janapatskaengon, NTPC baksa neng·nikanirangko namatna man·genchimode MeECL nambata obostao ong·genchim ine Power Minister parakataha.

spot_img
spot_img

Related articles

We value our partnership with India, says EU chief after meeting PM Modi

  New Delhi, Feb 28: Thanking Prime Minister Narendra Modi for hosting the European Union (EU) College of Commissioners...

EPFO retains interest rate on PF deposits at 8.25 per cent for 2024-25

New Delhi, Feb 28: Retirement fund body EPFO has decided to retain the interest rate on employees' provident...

EU, India free trade pact to be world’s largest deal: Ursula Von Der Layen

New Delhi, Feb 28: India and the European Union have agreed to go ahead with a free trade...

Manipur Guv gives another week to return looted, illegal arms

  Imphal, Feb 28: Manipur Governor Ajay Kumar Bhalla on Friday further extended by one week the time given...