SHILLONG: Meghalaya a·doko gital kulina sienggipa Captain Williamson Sangma University-ko Sukrobar salo Meghalaya Cabinet ra·chakangenba, bimingko Captain Williamson Sangma State University ine mingskana tik ka·angaha.
Cabinet tom·a matchotani ja·mano kobor ra·timgipa manderang baksa agangrikengon, a·doko nambate chubata gadangni lekka poraniko ra·gatna gita 2011 bilsion university-ko a·bachengatahachim indiba da·alo a·doktangchi chalaigipa university-ko kulina Cabinet chanchirimangenba, Captain Williamson Sangma Technical University Tura-ko Captain Williamson Sangma State University ine mingskana tik ka·angaha ine sorkarini ku·wattimgipa aro a·dokni Tourism Minister Paul Lyngdoh parakataha.
“Ian skanggipa state university ong·engani gimin ia university-o humanity, commerce, general science, engineering, physical science, life sciences technology aro uandakgipa course-rangko on·na tik ka·aha,” ine Lyngdoh parakataha.
Ia university-ko kulina gita Law, Finance aro Personnel department-rang ra·chakahani gimin da·o ia university-ko chu·sokgipa ong·atna sorkari rakbee kamko ka·gnok ineba ua aganaha.
Ia university-ko Captain Williamson Sangma State University ong·atna gita Captain Williamson Sangma Technical University Amendment Bill-ko Assembly-ona ra·anggen ineba sorkarini ku·wattimgipa parakataha.
Ia state university-ko basako a·bachengatna man·gen ine sing·anina aganchakaniko on·angengon, “Ia technical university-ko state university-ona dingtangatna gita chinga pass ka·e cabinet memo-ko ra·gatmanaha. Da·ode nokrangko rikani, kam ka·giparangko rakkiani aro gipin kamrangko a·bachengatanian ong·gnok,” ine Lyngdoh parakataha.
Ia university-ko chalaina a·bachengatahaon college-rangko ia university-o bak ong·atna a·bachenggnok ineba ua aganaha.
Get real time updates directly on your device, subscribe now.
Comments are closed.