SHILLONG: Education Ministry, North Eastern Hills University (NEHU) aro salgro-salaramo gipin university-rangna CUET-ko piltaie bilsisana watapangaha.
2023-2024 bilsina CUET-ko nipilangani ning·o Meghalaya-o college-rangko NEHU-o chol on·angchina, uamangna admission ra·na on·angkuchina chingni poraigipa chatro-chatrirangni palo chingni mol·molaniko ra·chakanina Union Education Minister-ko mittela,” Chief Minister Conrad K Sangma, Secretary, University Grants Commission-na Under Secretary P.K Singh-na on·gipa kinggipi chitti baksa tweet ka·ataha.
Salgro-salaram a·jolo CUET-ko dingtangmancha ra·chakani gimin 2022 May 13-o Ministry-na segipa chittiko janape, North East region-rango CUET-ko ra·gatanio a·jolni neng·nikani, a·brini biaprang, biaprang chel·a, network man·anirang tik ong·ja, gipin gipin mamgnirango neng·nikani a·selrangko on·aniko Singh aganaha. Indake Central university-rang jedake Sikkim University, Rajiv Gandhi University, Manipur University, Assam University, Tezpur University, Nagaland University, Tripura University, Mizoram University, NEHU aro HNBGU, Uttarakhand iarang 2022-23 bilsina CUET-ni palo skango dakbarongenga gita Central University-rangna college-rango admission ra·na on·aha.
“Da·o ong·enggipa obostako nie 2023-2024 kosako janapgimin CUET-ko watani piltaie bilsisana chol on·dapangnaba chanchiaha,” chittio janapaha.
Bilsignina CUET-ko Meghalaya-ko watchina Chief Minister Conrad K. Sangma, Union Education Minister, Dharmendra Pradhan-ko mol·molaha.
“A·doko bang·bata college-rangan North-Eastern Hills University-o admission ra·na cholko man·enga. CUET-ko ong·ataoniko Meghalaya a·dokko ka·sapae watchina nangko anga mol·mol,’’ chief minister uni mol·molako janapaha.
Re·anggipa bilsio CUET-ko ong·ataoniko Ma·mong Meghalaya-ko watataha ua Union Minister-ko gisik ra·ataha.
Get real time updates directly on your device, subscribe now.
Comments are closed.