SHILLONG: All Meghalaya Upper Primary and Secondary Deficit Pattern Teachers Association, Chief Minister Conrad Sangma aro Education Minister Rakkam A Sangma-ko gronge uamangni neng·nikarangko janape, gipin teacher-rangna on·a gitan allowance-rangko ba man·gniko on·china mol·molangaha.
Ge 13 deficit pattern category school donga. Jeon ge 9 Secondary aro ge 4 Upper Primary Deficit Pattern schoolrangko man·gope a·dok donga.
Meeting-o teachers association, uamangni neng·nikarangko aro dabianirangko aganaha. Full-pledged Deficit Teacher-rang gita uamang Hill Allowance, medical allowance, house rent, Advance increment for higher educational qualification aro gratuity – iarangko man·ja ine janapangaha.
“Deficit Pattern Schools, Basic+DA-kosan man·a. Gipin allowance ba man·na nangnirangko man·paja. Ia ge 13 schoolrangko batanggimin bilsi 1993-o Deficit Pattern System-o napataha. Jeon sak 127 employee ba kam ka·giparangsan dongaia ine Association parakangaha.
Uandake Chief Minister aro Education Minister-ko grongao association, uamangni dabianiko on·china sinjetaniko on·aha. Una agreba teacher aro kam ka·giparang retirement ba kamoni neng·taka ja·man dingtang dingtang dakgipa neng·nikarangko chagrongna nanga ineba u·iataha.
“Gratuity dongja baksana National Pension Scheme-ba Deficti Pattern -o kam ka·giparangnade dongpaja, ine Association janapaha aro uamangko full-fledged Deficit system-ona ra·dochina ba Hill allowance, medical allowance, house rent ba uandakgiparangko on·china badiangaha.
Deficit Pattern teacher-rang uamangni man·gniko bariatchina dabia
Date:
Share post:
