SHILLONG: A·doko ge·samangmang residential schoolko rika matchotkuenga ine Education Minister Rakkam A Sangma, Bubar salo house-na u·iataha.
“Residential school rikanio ge·sako matchotjok, aro mikkangchi ge 18 schoolrangko rika matchotkujaenga’ ine Rakkam, State Assembly-o Congress MLA Saleng Sangma-ni sing·anina aganchakaha.
Residential school-ko rikenggipa mitam biaprangara- Mawsmai Nongthymmai residential school (Shella Bholaganj) aro Lawbah residential school (Mawsynram), Shnongkalong residential school (Ranikor), Lawbyrtun residential school (Mawthadraishan) aro Riangkhain residential school (Mawshynrut), Umjan Mawtari residential school (Umsning), Nongrim Synjai residential school (Umling) aro Jirang residential school (Jirang).
Sabahmuswang residential school (Thadlaskein), Shangpung residential school (Laskein) aro Pdengshakap (Amlarem), Jalaphet residential school (Saipung), Byndihati residential school (Khliehriat), Raja Raonggat residential school (Chokpot), Edenbari ABDK residential school (Rongram), Chitchakgre residential school (Gambegre), Insambal residential school (Kharkutta), Nongchram Demik residential school (Rongjeng), Kapasipara residential school (Gasuapara) iarang ong·a.
Uandake Ekalavya model residential school-rangko Meghalaya-ni dam 36 block-rango rikgen, jena kror 20 tangkako chamataha. Ge 36 school rikaniko re·baenggipa bilsi gittam somoini gisepo matchotna tik ka·aha. Bi·sarangna namgipa education-ko on·na miskonganio sorkari, iandakgipa ja·kuko de·aha.
Ekalavya schools, Navodaya Vidyalayas gitan ong·gen, jeon local art, culture, sport-skill-o training ba uandakgipa special facility ba cholrang donggen.
