U·IATTIMGIPAONI
Shillong: Tetelia-Byrnihat railway project-na council maming No Objection Certificate (NOC)-ko on·a dongja ine mijalo KHADC Chief Executive Member (CEM), Titosstarwell Chyne talataha.
Meghalaya railway line-o Assam-o Tetetlia aro Byrnihat-na Northeast Frontier Railway (NFR)-na council NOC-ko on·aha ine mija Butbar-o Deputy Chief Minister Sniawbhalang Dhar-ni Assembly-o aganchakaniko ra·chake Chyne aganchakskaaha.
“Tetelia-Byrnihat railway project-na da·oni Executive Committee (EC) maming NOC-kon on·a dongja inako knae anga jagokmanpilaha. Ia railway project-na NOC-ko on·ahachim uko mesokna council-o maming serikanirang dongja,” Chyne aganaha.
A·dokni jatni skotongrang, pressure grouprang aro songpanggiparangoni namgipa aganchakako uamang man·osa NOC-ko uamang on·gen ine council rake dongenga, ua aganaha.
“Railway-ko ra·bana KHADC-oni NOC-ko Right of Fair Compensation aro Transparency in Land Acquisition, Rehabilitation, aro Resettlement Act, 2013-na skang nangjachim. 2013 ja·manosa schedule a·jolrango a·a nanggipana council-oniko NOC-ko a·dok sorkari nangnikaha,” Chyne aganaha.
Gital Tetelia-Byrnihat-Shillong railway project-na de·e ra·bagipana a·a nanggipana on·china mol·molaniko man·e 2026 December 14-o a·dok sorkarioniko skanggipa u·iataniko man·soaha, ua aganaha.
“Da·alona kingking chingni chanchiaona on·a dongja. Ia mamlani bidingo a·dok sorkarioniko gimik gimang ming 39 bangkirangko chinga man·soaha,” KHADC CEM u·iataha.
De·e ra·bagipa railway project-na a·a nanggipani gimin a·dok sorkarini mol·molako man·e NOC-ni gimin Mylliem-ni Syiem aro bang·a a·dokni daitoko jako ra·giparang baksa chanchigrikaha, ua aganaha.
“Indiba meeting-o NOC-ko on·a on·jawa ine chanchiaha. Da·alona kingking ia chanchiaon chinga rim·kingking dongenga,” Chyne agandapaha.
Maibakai, Byrnihat-Lailat-Shillong-ona NOC on·ani bidingo donchipkuenga. Byrnihat-Lailat-Shillong-na railway line-na Social Impact Assessment (SIA) wataha.
NGO-rangni jegalani gimin Ri Bhoi-o kamrangko a·bachengna man·kuja ine Deputy Chief Minister aganaha. A·doko Dudhnoi-oni Mendipathar-ona railway line km 18.87 chalaienga, ua aganaha.