U·IATTIMGIPAONI
TURA: Tura-ni Central Agriculural University-ni College Community Science, sara-a·tilatang Sangsangre-o International Year of Millets 2023-ko gisik ra·e Millet Mela-ko ong·ataha.
Skulo poraigipa chatro-chatrirang, faculty memborrang, State Agriculture Department, KVK-rang, NESFAS, badingchiwalgiparang aro SHG-rang kusi ong·e tom·ao bakko ra·anirangko nikaha. Ua tom·ao West Garo Hills aro South Garo Hills-oni gimik gimang sak 120-mang game-sue cha·gipa manderang bimingko segataha.
Programme-ko West Garo Hills Deputy Commissioner, Swapnil Tambe, Chief Guest ong·e BSF Commandant Mayank Singh, jean Guest of Honour ong·achim uni dongpao oprak on·angaha.
Tembe tom·ao aganao indakgipa tom·ako ong·atna aro anaemia gita be·eno saa-ding·a donge neng·nikanirangko agana State official-rang baksa nirokna krenge kam ka·anina College-ni faculty memborrangko mittelaha. Manderangni gisepo misirangko cha·aniko bang·batatna jean be·enna namgni aro nutritius donggipa mingsinggipa ong·aniko NABARD Meghalaya-ni General Manager aganengon college-ni Dean Dr Joyti V.Vastrad, programme-ko ong·atna aro soka chakna miksonga-chanchianiko agan-mesokaha aro an·chingni cha·anirango atchu-ambini misirang mongsonggipa ong·aniko aro uarangko gamchate ra·na nanganiko aganaha, jean skango aro da·ororo salrango ramram ong·e jakkalenga, misi cha·e atchu-ambirangni janggi tangna ranta ka·aniko uamang ja·rikna nanga ine Guest of Honour aro BSF Commandant, Mayank Singh, manderangna gisik ra·atpilaniko dakaha.
Dingtang dingtang rokomni misirangko tom·ao mesokaha, salgro-salaramni bang·a a·bri jatrangni jakkalgipa misirangko man·chape bang·a rokomni misirang donga. Sak 14 misi ge·gipa gamgiparangko misiko ripinganina mande ra·aniko dakaha.
Minggipin rokom gittam misi bitchilrangko sak 35 gamgiparangna sualataha. Dr Natasha R Marak aro Dr KH Ringsuachong Aimol-ni misini gimin segipa chongipa ki·tapko oprake on·angaha.
Dingtang dingtang rokomrangko pakora aro lado-rang tarie songe cha·na man·ani cholrangko Department of Food Science and Nutrition, CCS agangaha. Mela-ko CIWA, Bhubhaneshwar, IIMR, Hyderabad, NABARD aro AICRP nangrime me·chikrangni gama-suani gimin aganaha.
