U·IATTIMGIPAONI
TURA: South Garo Hills a·jani Gasuapara C&RD Block-o Rural Haat-ko rikna gita Gasuapara Block-ni BDO TMG Momin aro NABARD-ni DDM Khelchandra Chongtham, pangchakaniko songe on·angaha.
Ia Rural Haat-ko Gasuapara Block-ni ning·o donggipa Cherengkeragittim songo rikna sienga aro iana tangka paisarangko Shillong-o donggipa NABARD Meghalaya Regional Office-ni gita dakchake on·enga aro Rural Haat-ko Bakdil rikanggen.
Ia Rural Haat-na pangchakaniko songe on·angani somoio Gasuapara Block-ni BDO jinmana aganprakengon, ia Rural Haat scheme-na tangka paisarangko dakchake on·engani gimin NABARD-ko aro ia Rural Haat-ko jako ra·e rikna siengani gimin Bakdil-ko mittelpilangaha.
Ia Rural Haat-ko somoi gita matchotatchina Bakdil-ko didiangengon, ia haat-ko rikanio bakrimaniko on·china gita Momin, songni Nokma aro self help group-rangko man·chape jolo songdongenggipa pilak manderangkon didiangaha.
Mikkangchi ia Rural Haat-ko name rakkichina aro an·tangtangni man·gnina name jakkalchina gitaba ua songni manderangko didiangaha.
Ia Rural Haat-na pangchakaniko songanio SGH NABARD-ni DDM Khelchandra Chongtham, Bakdil-ni Director aro Secretary Fr Cyril Sangma aro gipinrangba aganprakangaha.
