U·IATTIMGIPAONI
Shillong: (PTI) Gujarat court-ni rai on·atako ra·chakjani gimin Congress-ni dilgipa Rahul Gandhi-ko Meghalaya Chief Minister Conrad K Sangma, matnangataha.
Chief Minister’s Office (CMO)-oni jinmana parakatanio, ‘Rahul Gandhi, Prime Minister Narendra Modi-kosan chonnika ong·ija, indiba chu·gimik OBC jatko chonnikaha’ ine janapataha.
“Rahul Gandhi, an·tangni gualaniko ra·chakjaenga, aro court-ni rai on·akoba ra·chakna gong·jaenga, iasan ong·aija Election Commission-ko niamkoba manija’ ine aganataha. Rahul Gandhi, PM Modi-ko matnange dongani palo court-ni rai on·ako ra·chakna nanga, ine Sangma aganaha.
Lok Sabha Secretariat, mija Sukrobar salo Rahul Gandhi-ko Kerala Wayanad-ni MP-oni ra·galataha. Bilsi 2019-o ‘maidake gimik cha·ugiparang Modi ma·chongoni ong·a” ine agangipa kattana Surat court, Rahul Gandhi-ko MP-oniko ra·galataha. Gandhi, uni agangipa kattana kema bi·na nanga, an·tangni gualaniko ra·chake kema bi·ani palo, Gandhi, prime ministerko ra·biesa dongskaenga ine Sangma aganaha.
“Bilsi 2014 aro 2019 -o Congress adita neng·nika obostako chagrongaha, uandake ia da·o ong·gipa obostaba Congress-na mikkang 2024 bilsini electioin-o nangchakgen, ine CM Conrad aganangkuaha.