TURA: Re·anggipa March-ni 28 aro 29 tarikrango Umiam-o donggipa ICAR-RC for NEH region baksana West Garo Hills a·jani ICAR-KVK nangrimenba cashew production aro post harvest management-ni bidingo salgnina training program-ko KVK campus-o ong·atangaha.
Ia training program-ko ong·atna gita All India Coordinated Research Project (AICRP) dakchake on·angaha aro ia program-ko ong·atanio Umiam ICAR-ni Scientist Horticulture Dr HD Talang, KVK-ni Senior Scientist aro Head Dr J Mahanta aro KVK-ni ACTO Dr Tarun Kr Das, cashew ge·ani bidingo game ge·e cha·giparangna agan-skie on·angaha.
Ia program-ko ong·atanio West Garo Hills a·jani dingtang dingtang biaprango cashew ge·e cha·gipa sak 49 manderang skie ra·angaha aro uamangna ia program-o ma·manti bosturangkoba suale on·angjolaha.
Ia training program matchotani ja·mano game ge·e cha·giparangko dingtangmancha cashewnut demonstration unit-onaba rimange mesoke on·angaha.
