Shillong: Airports Authority of India (AAI)-ni chang 28-gipa Annual Day-ko April 1 tarik Sonibar salo Shillong Airport-o maniangaha. Jeon Airport authority-o kam ka·gipa-rang bak ra·tokangaha. Airports Authority of India-ko Parliament Act, bilsi 1995-ni April 1 tariko gitcham National Airports Authority aro International Airports Authority of India-ko bakrimate a·bachengataha. Ge·gniko bakrimate ge·sa organisation dakatskaha.
Gimik Heads of the Department-rang tom·dakaha, Shillong Airport Authority-ni Airport Director Shri Rishi Kant Bangwal, tom·anio Chairman-ni message-ko poraiataha. Chang 28-gipa Annual Day-ko North Eastern a·jolni gimik AAI airport-rango ong·atangaha.
HOD aro employee ba kam ka·giparangna parakatmitingo, Shri Rishi Kant Bangwal indine aganaha, “AAI nokdang, pangnan AAI-ni Vission & Mission ba miksonganiko chu·sokatna jotton ka·-ronga. Indake mikkangchi rakbate kam ka·anggen ine aganangaha. Indake maniao Airports Authority of India-ni theme song ba gitko wataha. Airports Authority of India, ian India sorkarini Civil Aviation Ministry-ni Mini Ratna Public Sector Enterprise ong·a. AAI, ge 137 airport-rangko niroka, jeon ge 24 International Airports ( ge 3 International Civil Enclaves-ko man·chapa), ge 10 Customs Airports (ge 4 Customs Civil Enclaves-ko man·chapa), ge 80 Domestic Airports aro ge 23 Domestic Civil Enclaves at Defence airfields- iarangko man·gopa.
