SHILLONG: Meghalaya a·dokni Police department-o bangbang ong·e dongenggipa kamrangko ia bilsini bon·angachibara sorkari gapatna sienga ine a·dokni Deputy Chief Minister aro Home (Police) Minister Prestone Tynsong parakataha.
Tynsong-ni parakatani gitade, Police department-o sipairang chu·ongjaengani gimin ia bilsini gisepon sak 1500 gital sipairangko kamo ra·dapna sienga.
Police department-o sipairang chu·ongjaengani a·sel dingtang dingtang kamrangko ka·anio neng·nikanirangko chagrongna nangengani gimin sak 1500 gital sipairangko kamo rakkidapna gita sorkari tik ka·angaha ineba ua parakataha.
Police department-ni dingtang dingtang kamrangna da·o personal interview-rangko ra·engaha ineba Home Minister parakataha.
Koborko on·ani gitade, batanggimin bilsirangonin Police department-o ge 2000-mangni gita kamrang bangbang ong·e dongengachim.
