SHILLONG: Re·baenggipa May jani 10 tariko ong·atna sienggipa Sohiong Assembly Legislative Constituency-ni election-na United Democratic Party (UDP)-ni candidate Synshar Lyngdoh Thabah, Mongolbar salo an·tangni nomination lekkarangko on·eaha.
Uni nomination lekkarangko on·eani somoio Thabah baksana UDP-ni president Metbah Lyngdoh, UDP-ni general secretary Jemino Mawthoh, South Shillong-ni UDP MLA Paul Lyngdoh aro UDP-na kam ka·enggipa bang·bea manderangba dongpaaha.
UDP-ni candidate aro a·dokni gitcham home minister HDR Lyngdoh, February-ni 27 tariko ong·atanggipa Assembly election-na skang siangahani gimin Sohiong Assembly constituency-ni election-ko May jani 10 tarikona ra·doatskaahachim.
Ia Sohiong Assembly election-na gipin candidate-rangde skangan nomination-rangko file ka·somanskaahachim aro ia candidate-rangara, NPP-ni Samlin Malngiang, Congress-ni S Osborne Kharjana, HSPDP-ni Sandondor Ryntathiang, BJP-ni Seraph Eric Kharbuki aro TMC-ni Stodingstar Thabah ong·engachim.
Ia dolrangoni da·o dipet UDP, NPP, HSPDP aro BJP dolrangde MDA 2.0 sorkario bakrimtokahachim.