SHILLONG: United Democratic Party (UDP), da·o May jao ong·atnasienggipa Sohiong bypoll-ko chena mikpakma nienba uamangni skang 2018 assembly election-o seat cheana bate ian chango dunagni ong·atna gita nidingenga.
UDP Sohiong by-poll candidate, Synshar Kupar Roy Mongolbaro Deputy Commissioner-ni office-o nomination file ka·aha, indake uni nomination file ka·ani somoio party-ni mongsonggipa dilgiparang aro adita mande jinmarang re·bachapaha.
“Chinga ia seat-ko chena gita namen ka·dongenga, aro ian party-ni ka·donganisan ong·ja indiba constituency-ni manderang baksa agangrikanirango pangchakesa ia ka·donganiko parakenga, jeon uamangoni bang·batan unaskanggipa election-rangode UDP-ko namniktokjachim indiba ianchangode uamang gisik dingtangtokaha aro UDP-ko mikkang nitokengaha aro chingni candidate-nan chaktokenga” ine UDP president Metbah Lyngdoh aganaha.
Cabinet Minister aro UDP dilgipa, Paul Lyngdoh, jean Roy-ni nomination file ka·anio dongpaachim, ua aganaha je, “Chinga Sohiong seat-ko chena gita ka·dongenga aro chejokode UDP, skang 2018-o seat chegipana dunagni bate ianchango seat cheani ong·gnok.”
“2018-o man·gipanade chinga dunagni ong·atgen, chingo da·omitingo sak 11 legislator-rang donga, da·o bypoll-ko cheode sak 12 ong·gnok,” ua agandapaha.
Da·o ia seat-ko cheenba House-o uamangni member bariahaode ge·sa aro cabinet berth-na nidapgenma ine sing·engon, jeko agananoba da·ode agre seng·gnangdugaenga ine Lyngdoh aganaha.
Chonchongipa regional party-rang, UDP baksa bakrimani maiba chol dongama ine sing·anina aganchakengon, “Regional party-rangni nangrimanina chinga pangnan golpoanirangko daka, Sohiong bypollni ja·mano mai ong·gen agansonade man·ja,” ua aganaha.
Sohiong assembly constituency-na May 10 tariko by-election-ko ong·atenga.
Re·anggipa Assembly election-ni somoio, Sohiong-ni UDP canidate HDR Lyngdoh rang·gitk sichangani gimin election ong·atna man·rikjae, da·o bypoll-ko ong·atna nango ga·akaha.
