AMPATI: A·songni gipin biaprango gitan South West Garo Hills a·jaoba National Civil Services Day-ko Sukrobar salo, Ampati-o maniangaha aro ia salko manianio District Administration, District Police, dingtang dingtang department-ni official-rang aro Deputy Commissioner (DC) office-o kam ka·enggiparangba bakko ra·angtokaha.
Ia salko manianio South West Garo Hills a·jani Deputy Commissioner AVD Shira, official-rangna aganprakengon, ia salni gimin talataniko on·angenba, ian civil service officer-rangna an·tangtangko gital dake on·kangtaienba, manderangna dangdike on·aniko namdapatani chol ong·enga ine parakataha.
Kakketo aro bebeo manderangna dangdike on·china gitaba ua ia tom·anio bak ra·gipa officer-rangko didiangaha.
Ia salko manianio ua dingtangmancha officer-rangko ku·mikchetanioba dilangaha.
