SHILLONG: Meghalaya a·dokni gitcham Cabinet minister aro Nongstoin-ni gitcham MLA Endro Lawphniaw, Sonibar salo, Dhanketi-Malki-o donggipa uni noko, a·gilsakko watangaha. Ua bilsi 83 ong·ahachim.
Sianggipa Endro Lawphniaw, 1978 bilsio Nongstoin constituency-o susae skanggipa changna seokako man·ahachim. Ua somoio ua Hill State People’s Democratic Party (HSPDP)-oni susae seokako man·ahachim.
Endro Lawphniaw sagina da·al Sombar salo bon·kame mande ra·pilskaaniko dakenba, attamni 2:00 bajimango, Shillong songjinmani Mission Compound-o donggipa Mawkhar Presbyterian Mondolini gopramo gope galgen ine kobor on·aha.
