TURA: Ia 2023 bilsini Higher Secondary School Leaving Certificate (HSSLC) Science aro Commerce porikkani result-rangko parakanio Garo Hills-oni saksaba Top 10-o biapko man·rikpajahaoba, pass percentage-ni gitade Garo Hills-o nambatskaaha maina Science stream-o South West Garo Hills 90 percent ong·e a·dok gimiko bang·batgipa ong·aha aro Commerce stream-oba East Garo Hills, 95.71 percent-ko man·e bang·batgipa ong·skaaha.
Ia bilsini HSSLC Science porikkao pass ka·ani percentage-rangara, South West Garo Hills a·jao 90%, West Khasi Hills-o 85.04%, East Khasi Hills-o 85%, Eastern West Khasi Hills-o 80.70%, Ri Bhoi a·jao 79.17%, West Jaintia Hills-o 78.50%, South Garo Hills-o 76.92%, South West Khasi Hills-o 69.44%, West Garo Hills-o 68.07%, North Garo Hills-o 58.21%, East Garo Hills-o 52.48% aro East Jaintia Hills-o 51.16% ong·aha.
Commerce porikkao pass ka·ani percentage-ara, East Garo Hills-o 95.71%, East Jaintia Hills-o 93.33%, West Khasi Hills-o 90.41%, Eastern West Khasi Hills-o 86.42%, East Khasi Hills-o 82.46%, Ri Bhoi a·jao 81.87%, West Jaintia Hills-o 75.14%, West Garo Hills-o 66.14%, South West Khasi Hills-o 49.37% aro North Garo Hills-o 42% ong·skaaha.
South Garo Hills aro South West Garo Hills a·jarangode Commerce stream-ko segipa chatro chatrirang dongskajahachim.
