SHILLONG: Meghalaya a·dokni National Law University-o skanggipa batch-ko re·baenggipa July jaoni a·bachenggnok aro ia university-o da·o dipet Class 12 matchotani ja·man bilsi bongani BA LLB, BS LLB, BBA LLM baksana Law-ni Post Graduate Programme [LL.M (Major in Corporate Law)]-ko ra·anggen.
Iani bidingo, Meghalaya National Law University-ni Vice Chancellor Indrajit Dube, Education department-ni Commissioner & Secretary Pravin Bakshi aro Meghalaya High Court-ni Registrar E Kharumnuid, kobor ra·timgiparangna, Shillong Bivar Road-ni Tapovan Building-o donggipa Meghalaya State Judicial Academy-o parakataha.
Iani bidingo kobor ra·timgiparangna talataniko on·angengon, Meghalaya a·dokni National Law University-o academic session-ko ia bilsini July jaoni a·bachenggnok aro chatro chatrirangna online gita dorgasto galaniko re·anggipa April 21 tarikoni a·bachengate May 21 tariko matchotgen ine National Law University-ni Vice Chancellor Prof Indrajit Dube parakataha. Admission test-ko May 28 tariko ra·gen aro result-ko June 9 tariko parakenba, class-rangko July 10 tarikoni a·bachenggnok ineba Prof Dube parakataha.
Undergraduate course-rangna sak 60 chatro chatrirangko biming segatgen ine janapatengon, BA LLB, BS LLB aro BBA LLB honours mingpraknan sak 20 chatro chatrirangko ra·gen aro unbaksana sak 10 post graduate chatro chatrirangba donggen ine Prof Dube parakataha.
University-o 50 percent seat-rangkode Meghalaya a·doko songdongkamgipa chatro chatrirangnan donenga ine janapatengon, ia cholko ra·e an·tangtangko biming segatchina gita Prof Dube, a·dokni chatro chatrirangko aro ukil ong·na sikenggipa chadamberangko didiataha.
Talbate ma·sie ra·na gita university-ni www.nlumeg.ac.in website-oniko nie ra·na man·gen. Ia university-ko Shillong songjinmani Nongthymmai-o donggipa Mayurbhanj Complex-o chalaianggen.
A·dokni Law University-o skanggipa batch-ko July jaoni a·bachenggen
Date:
Share post:
