TURA: West Garo Hills a·jani Phulbari police station-ni ning·o damdok biaprangko Garo Hills Autonomous District Council (GHADC)-ni ning·o donggipa Phulbari Forest Range-ni official-rang chadrapenba, niam gri bol salgipa gari boldok, ro·ong bikotani bosturang aro ro·ongrangkoba rim·na man·aha.
Koborko on·ani gitade, Sonibar salo Phulbari Ranger-ni dilanichi forest official-rang, ia jolrango niam gri chalaienggipa bol ratani karkanarangko aro ro·ong bikotani quarry-rangko chadrapenba, niam gri ratgimin bolrangko, ro·ongrangko aro ro·ong bikotani bosturangko rim·na man·aha.
Iani ja·mano, kobor on·timgiparangni u·iatanio pangchake forest official-rang, Phulbari range-ni ning·o donggipa Selsella, Nagnipara aro Babilgre songrango niam gri chalaienggipa saw mill-rangko aro ro·ong quarry-rangkoba chadrapeaha.
Ia biaprangoniko forest official-rang, gari bolbri baksana bolrangko rim·na man·aha aro damgipin biapo niam gri chalaienggipa ro·ong quarry-niko ro·ong salangenggipa garikoba rim·na man·aha.
Ia niam gri chalaienggipa ro·ong quarry-rangko chadrapeani ja·man, ro·ong bikotna jakkalenggipa dingtang dingtang bosturangko forest official-rang rim·aha.
WGH-o niam gri bol ratgipa aro ro·ong bikotgipa bosturangko rim·a
Date:
Share post:
