TURA: India a·songni Prime Minister Narendra Modi-ni dilanichi ma·mong sorkarini ra·gate on·gipa dingtang dingtang scheme-rangni bidingo sing·sandie ra·na gita BJP-ni membor-rang, dingtang dingtang constituency, dingtang dingtang block-rang aro dingtang dingtang songrangona wenanggen ine Budbar salo, Tura-ni BJP MDC Bernard N Marak parakataha.
Marak-ni parakatani gitade, mikkangchi songni nokni manderangna aro kangal cholgrirangna dakchakanirangko on·angkuna man·na gita BJP-ni dilgiparang, dingtang dingtang biaprangona re·ange, ma·mong sorkarini ra·gate on·gipa scheme-rangchi namgnirangko man·enggipa manderango sing·sandie ra·gen.
“An·chingni Prime Minister Narendra Modi-ni dilanichi ma·mong sorkarini ra·gatgipa scheme-rangko man·e manderang chu·ongnikaniko man·engama man·jaenga, uarangko ma·sie ra·na gita chinga dingtang dingtang constituency, block aro songrangona re·anggen. Ma·mong sorkarini on·atenggipa scheme-rangko ra·anio songni nokni manderang aro kangal cholgrirang neng·nikanirangko man·engama man·jaenga, uarangkoba chinga sing·sandie ra·gen,” ine Tura-ni BJP MDC parakataha.
