SHILLONG: Mawdiangdiang-ni New Shillong Township-o rikenggipa gital Shillong jail-ko matchotangengahani gimin Shillong district jail-o donenggipa koidirangko bakan ia gital jail ba pattokona apjtanggnok ine Bristibar salo, a·dokni Deputy Chief Minister aro Home (Jails) Minister Sniawbhalang Dhar parakataha.
Bristibar salo ua, gital rikenggipa jail-ko nieani ja·man, iako kobor ra·timgiparangna parakataha.
Dhar-ni parakatani gitade, da·o dipet ia jail-ko rika matchotsrangkujaenga indiba gital jail-ko rikani chu·gimik matchotahaon, Jail Road-o donggipa district jail-ko New Shillong Township-ni gital Shillong jail-ona apjitanggnok.
Shillong district jail-ko New Shillong Township-o rikenggipa gital jail-ona apjitani bidingo chanchina skangba anga ia jail-ko niechengna nangaha,” ine Dhar aganaha.
Deputy Chief Minister-ni parakatani gitade, Urban Affairs department-ni acre 25-mang ong·gipa a·ako Jail department nimanaha aro ia a·ako Urban Affairs department-oniko ra·enba sak 1000 koidirang chakna gita gital Shillong jail-ko rikgen.
“Shillong songjinmao apchangket ong·ani batroroengahani gimin an·ching man·a dipetde pilakkon songjinmaoniko rikamona apjitna gita nangengaha,” ine Dhar aganaha.