SHILLONG: Khasi Students Union (KSU) NEHU Unit-ni dingtang dingtang dabianirangko chu·sokate on·chipjaengani gimin Sombar salo, KSU-ni membor-rang, NEHU-ni Vice Chancellor Prof Prabha Shankar Shukla-ni office-ko chipe donataha.
KSU NEHU unit-ni parakatani gitade, NEHU-o poraienggipa chatro chatrirangna chu·onga gita re·a doani cholrangko on·china, hostel-rangko chu·onga gita on·china aro uandakgipa dingtang dingtang dabianirangko dakengachim indiba ia dabianirangko, NEHU-ni official-rang chu·sokate on·na gisik nangjaengani gimin Vice Chancellor-ni office-ko chipe donataha.
KSU-ni dabienggiparangni bidingo agangrikna gita Sombar salo, KSU-ni membor-rang, Vice Chancellor-ko grongna uni office-ona re·angahachim indiba ua KSU-ni membor-rangko grongna jechakahani gimin KSU-ni membor-rang, Vice Chancellor-ni office-ko chipe donataha.
Ia dabianirangko ua chu·sokate on·na ku·rachakjaskal, KSU NEHU unit-ni membor-rang Vice Chancellor-ko grongjawaha ineba KSU-ni dilgiparang parakataha.
