Saturday, July 5, 2025
spot_img

Selsella-o M’laya Rural Bank-ni branch-ko kulichina ASWA didia

Date:

Share post:

spot_imgspot_img

TURA: West Garo Hills a·jani Selsella jolo da·o dipet SBI-ni branch damsamangmangsan dongkuengani a·sel jolo songdongenggipa manderang, bank-ni kamrangko ka·anio neng·nikanirangko chagrongna nangtokenga ine A·chik Students Welfare Association (ASWA) Selsella Administrative Board-ni president Harley N Sangma parakatenba, Selsella-o Meghalaya Rural Bank-ni branch damsako kulie on·china Shillong-o donggipa Meghalaya Rural Bank-ni Chief Manager-na sedoataha.

MRB-ni Chief Manager-na sedoatgipa chittio Sangma-ni parakatani gitade, Selsella jolo mande jelbra jelsuani da·o sak 30,000-mangni gita ong·aha aro ia jolo songdongenggipa manderangoni mitamrangde Meghalaya Rural Bank-ni customer-rangan ong·achim indiba da·o dipet Selsella jolo MRB-ni branch dongkujaengani a·sel ia manderang, kilometer 20-mang chel·ao donggipa Garobadha branch office-onasa aro mitamrangde una bate chel·batao donggipa Tura branch-rangonasa re·ange kamrangko ka·na nangtokengachim.

“Selsella jolrango bading chiwale cha·enggipa manderangba bang·en donga aro an·tangtangnade bading chiwalanioba cholipatokengachim. Indake ong·genchimoba, ia jolrango bading chiwale cha·giparangna chu·onga gita bank-rang dongjani a·selo bang·a neng·nikanirangko chagrongna nangtokenga. Kamrangko ka·e cha·enggipa manderangba an·tangtangni dormaharangko bank-rangko donna nangnikengachim indiba bank-rang chu·onga gita dongjani a·selan uamangba tangkarangko donna man·tokjaenga,” ine ASWA Selsella Administrative Board-ni president parakatenba, Selsella-o MRB-ni branch-ko kulina man·genchimode ATM-koba kulichina didijolataha.

Selsella-o Meghalaya Rural Bank-ni branch-ko kulina nangnikgenchimode uamang nok rikna a·ako ba nok parako sandie on·na man·aigen ineba Sangma parakataha.

spot_imgspot_img

Related articles

Pungni Tara bags silver in Asian Youth and Junior Weightlifting

Astana, July 4: Indian lifter Pungni Tara delivered a commendable performance to clinch the silver medal in the...

Pavlyuchenkova rallies past Osaka to reach last 16

Wimbledon London, July 4: On one side of the net was a woman who has only just got over...

WGH-ni District Action Plan-ko tarina chanchirima

TURA: Chief Minister’s Catalytic Fund for Achieving Sustainable Development Goals (SDGs) 2025-26-ni ning·o District Action Plan-ko tarina gita...

Shillong Medical College Council-ko songa

SHILLONG: Shillong Medical College & Hospital-ko ia bilsini gisepon a·bachengna siengahaon, kamrangko nirokna gita a·dok sorkari, Shillong Medical...