NEW DELHI: NITI Aayog-ni Governing Council-ni 8-gipa meeting-ko Prime Minister Narendra Modi-ni dilanio Sonibar salo New Delhi-ni Pragati Maidan-o G20 Summit venue-o ong·atangaha. Jeon MSMEs, infrastructure, investment, health& nutrition, skill development, me·chikrangko bilakatani bidingo ba uandakgiparango chanchirimangaha. Meeting-o Meghalaya-ni Chief Minister Conrad K Sangma, bak ra·na sokangaha aro didiatgipa kattarangko aganprakangaha.
Chief Minister Shri Conrad K Sangma, NITI Aayog-o aganprakmitingo, indine aganaha, “Skanggipa anga Prime Minister Narendra Modi-ko uni a·songko nambee dilenganina mittelna sika. India a·songko tang·doatna uni re·dilaniara aiao inmanpilani ong·a. Iarangni gisepon Meghalaya-ba a·songko tang·doatanio on·gilpana raken jotton ka·beenga. Re·baenggipa bilsi 2028-o Meghalaya, $10 billion economy-ona sokna nisanko donenga. Meghalaya-o India sorkarini parakatgipa dingtang dingtang scheme-rangko ra·gataha. Mikkangchi rakbate kam ka·angna anga ka·dongata.
Jal Jeevan Mission-ko Meghalaya-o ra·gatanio bilsi 2019-o te 4,550 nokrangona chi pipe sokaniara, lak 3-ona batjok. Ma·mong sorkari, bilsi 2023-24-o kror 3,565 tangkako chamataha.
A·dokni health sector-oba namen dingtangani sokaha. Ayushman Bharat/MHIS -ni a·sel health sector namdapjok.
A·dokni chadamberangko handicraft, art, hand embroidery ba jakni bilni kamrango bilsokgipa ong·atna aro solar panel, food processing, AI, Robotics ba uandakgiparango skianirangko on·na kam ka·enga. Iarangna agreba chadamberangni seng·aniko bariatna skill program-ko ong·atenga, ine CM aganaha.
Meghalaya-ni ge·a gamanioba namen tang·doaniko ba namdapaniko nikna man·aha. Lakadong, holdi, e·ching, anaros, komila, ba uandakgiparangko ge·a-gamanio chu·sokaniko man·enga. Gipin a·songrang jekai Europe aro US-ona a·dokoni holdiko watatna a·bachengataha aro Abu Dhabi-ona komilako watataha, iandakachi international market-ko a·bachengataha.
Iarangsan ong·aija Meghalaya a·doko tang·doatna dingtang dingtang ja·ku de·anirangko a·bachengataha ineba Shri Conrad K Sangma aganangaha.
