SHILLONG: JICA Shillong-Dawki rama-sorokni project-ni kamna NHIDCL tender on·taiaha aro jasa ba jagnini gisepo kamrangko ka·chakkatgnok ine Opposition Leader aro Congress MLA, Mylliem constituency Ronnie V Lyngdoh u·iataha.
Mylliem a·jolo songdonggiparangni salantini nanganirangna gari sikket-changket ong·ani gimin aganao, ua ru·utgija salo rama-sorokni gadangko sandiani gimin NHIDCL-ni official-rangko grongaha aro uamangko tender on·taichina aro jasa ba jagnini gisepo kamrangko ka·bachengattaichina ua u·iataha ine Lyngdoh aganaha.
Ua kamni mamlako mija ong·anggipa State Assembly session-onaba ra·angaha, Deputy Chief Minister aroba home police-ni in-charge Prestone Tynsong-ni aganchakaniko man·e ua adita namnikaha aro chu·ongnikaniko man·aha, Lyngdoh aganaha.
Tender-rangko on·china ua u·iataha aro ua project-ni tangka-paisa JICA-oniko man·aha indiba bang·a a·selrang donganichi company kam on·giminkon galchipe donenga ine Lyngdoh u·iataha.
Tender-rangko on·taichina agantaiaha indiba saksasan on·aiaha aro uni gimin tender-ko on·taiataha.
Shillong-oni West Khasi Hills aro Garo Hills-ona rama-sorokrang najoka aro jensalo ua ramarangko taria matchotaha Assam gita a·dokni mitam biaprangona re·na nangjaha, Lyngdoh aganaha.
NHIDCL website-ni gita, contract-ko parakataha aro tender on·giparangna tender on·taiatenga.
A·dok sorkari re·anggipa jao Shillong-Dawki road project-ko nipiltaiaha aro mikka-wachi kario rama namgijagiparango ma·sie ra·china technical expert-rangko aro 24+7 tanggitik kamna on·kanggipa dolkoba donchina ge·etaha.
Chanrimani ja·mano, Deputy Chief Minister aroba in-charge PWD (roads) Prestone Tynsong indake aganaha, “Anga JICA Shillong-Dawki project-ko nipilaha aro rama-sorokna on·gipa tangka-paisa PIL aro NHIDCI-ni kamko tender on·taigipa kamni gimin chinga changgrikangaha”.
Shillong-Dawki project-ko jasa ja gnini gisepo ka·chakatgen: Opp dilgipa
Date:
Share post:
