TURA: India a·songni G-20 Presidency-o pangchake aro Education Ministry baksana Meghalaya State Education Mission, West Garo Hills SSA-ni District Mission Coordinator-ni dilanio Jan Bhagidari program-rangko Sombar salo, Tura-ni Super Market Complex-o ong·atangaha.
Ia program-ko ong·atani bak gita G-20-o pangchake dingtangmancha Teaching Learning Material (TLM) Exhibition-koba ong·atangaha aro ia exhibition-o dingtang dingtang skulni chatro chatrirang bakko ra·angtokaha.
Ia program-ko ong·atanio Early Childhood Care & Education (ECCE)-ni State Coordinator Singje Ch Marak, jinmana aganprakangengon, Meghalaya a·dokoba ia Jan Bhagidari ba manderangni bak ra·ani program-rangko a·bachengatahani gimin West Garo Hills a·jaoba TLM exhibition, G-20-ni bidingo u·iatani, summer camp, golpo aganani, dakmesokani aro uandakgipa program-rangko ong·atenga aro ia program-rangko June 15 tariko matchotatgen ine parakataha.
Ia Jan Bhagidari program-ni bak gita Shillong-o donggipa 93.5 RED FM-ni Radio Jockey Nipa Pradhan-ba dingtangmancha Meghalaya a·doko Foundational Literacy & Numeracy-ko tang·doatna gita awareness campaign-ko ong·atenga.
Ia program-ko ong·atanio dongpae bakko ra·anggipa gipin manderangara, SSA-ni Administrative & Accounts Officer DK Newar, Tura-ni Social Education Organiser Brezies Areng, DIET-ni Lecturer-rang, Education department-ni official-rang, skigiparang aro chatro chatrirang ong·a.
