TURA: Garo Hills Autonomous District Council (GHADC)-o kam ka·enggipa manderangna dormaharangko on·na man·jaengani gimin, Garo Customary Law (GCL)-ko ra·gatkujaengani gimin aro GHADC-o dingtang electoral roll baksana finance & service rule-rangko ra·gatkujaengani gimin Niksamso Garo Community Organisation (NGCO), GHADC-ko office picketing ka·na manchiangaha ine kobor on·aha.
Koborko man·soani gitade, GHADC-o kam ka·enggipa manderangni dormaha man·gijani da·o ja 28 batpilengahachim.
“GHADC-o kam ka·enggiparangna bangki dongkuenggipa dormaharangko on·china, GCL-ko ta·raken ra·gatchina, GHADC-o dingtang electoral roll-ko ta·raken tarichina aro finance & service rule-rangko tarichina chinga ru·uta somoirangna skangonin dabiengachim indiba da·alonan chingni dabianirang chu·sokkujaengani gimin chinga GHADC office-ko picketing ka·na tik ka·aha,” ine NGCO parakataha.