SHILLONG: Re·baenggipa 2024 bilsio ong·atna sienggipa Lok Sabha election-o Voice of the People’s Party (VPP)-ni general secretary Dr Ricky AJ Syngkon-ba Shillong Parliamentary constituency-o susaanggen ine u·iataha.
Iani bidingo kobor ra·timgiparangna parakatengon, re·baenggipa bilsini a·bachengachibara ong·atna sienggipa Lok Sabha election-o VPP-ni general secretary Dr Ricky AJ Syngkon-ba Shillong Lok Sabha seat-na susagen aro ia election-o susana gita uan VPP-ni nambatsranggipa candidate ong·enga ine VPP-ni vice president Cara Chen parakataha.
Iani bidingo VPP-ni state election committee, June-ni 16 tariko tom·e chanchirimaha ine janapatengon, ia tom·anio VPP-ni state election committee name chanchirimenba, Shillong Lok Sabha seat-na VPP-ni general secretary-ko candidate dake seokna tik ka·angaha ine Chen parakataha.
Re·baenggipa bilsini Lok Sabha election-o VPP-ni candidate, manderangni chakpaanikosa nangenga aro political dolrangni chakpaanikode nangja ineba ua parakataha.